ಕೆಟ್ಟವರಿರಬೇಕು ಅರಿಯಲು ಬದುಕು... ನಿಮ್ಮಿಂದಲೇ ಕಲಿತೆ ನಾ.....

ನನ್ನ ಪಾಲಿನ ಬೇರೊಂದು ಪ್ರಪಂಚಕ್ಕೆ ಬಂದು ಬಂದು ಬಹುತೇಕ

2 ವರ್ಷಗಳೇ ಕಳೆದಿವೆ. ಈ ಎರಡು ವರ್ಷಗಳಲ್ಲಿ ಕಲಿತ ಬುದ್ಧಿ ಬಹುಶ: ನನ್ನ ಜೀವಮಾನದಲ್ಲೇ ಕಲಿತಿಲ್ಲವೇನೋ. ಹೌದು ಬಾವಿಗೆ ತಳ್ಳಿ ಆಳ ನೋಡಿದವರೆ ಹೆಚ್ಚಿನವರು ಸಿಕ್ಕಿದರಿಂದ ನನಗೆ ಬದುಕು ಏನು ಅನ್ನೋದು ಸ್ಟಷ್ಟವಾಗಿ ಅರ್ಥವಾಯ್ತು. ಜೊತೆಗೆ ಒಂಟಿಯಾಗಿ ಜಗವನ್ನು ಎದುರಿಸಲು ಇಂದು ನಾನು ಸಿದ್ಧಳಾಗಿದ್ದೇನೆ.

ಬಹುಶಃ ನಾ ನಂಬಿದವರು ನನ್ನ ನನ್ನಷ್ಟೇ ಕಾಳಜಿಯಿಂದ ನೋಡಿಕೊಳ್ಳುತ್ತಿದ್ದರೆ. ಬಹುಶಃ ನಾನು ಬೇರೆ ಆಯ್ಕೆಗಳ ಬಗ್ಗೆ ಯೋಚಿಸಿಯೂ ನೋಡುತ್ತಿರಲಿಲ್ಲವೇನೋ. ಹೀಗಾಗಿಯೇ ನಾನು ನನ್ನ ಪ್ರೀತಿಸಿದವರಿಗಿಂತ ನನ್ನ ಹಿಂದೆ ಕಪಟ ನಾಟಕವಾಡಿ ಸರಿಯಾಗಿ ಬುದ್ದಿ ಕಲಿಸಿದವರಿಗೆ ಹೆಚ್ಚು ಋಣಿಯಾಗಿರಲು ಬಯಸುವೆ. ನಿಮ್ಮಿಂದ ನಾನು ಹೊಸ ಪ್ರಪಂಚವನ್ನು ಹುಡುಕುವ ಹಾಗಾಯ್ತು. ಈ ಹುಡುಕಾಟದಿಂಲೇ ಪ್ರಪಂಚದಲ್ಲಿ ನನಗೂ ಇಷ್ಟೊಂದು ಅವಕಾಶಗಳಿವೆ ಎಂದು ಗೊತ್ತಾಗಿದ್ದು.

ಹೀಗಾಗಿ ನಿಮ್ಮಿಂದಲೇ ಕಲಿತೆ ನಾ ಎಂದರೆ ತಪ್ಪಾಗಲಾರದೇನೋ. ಈ ಕಾರಣಕ್ಕೆ ನೀವೆಷ್ಟೇ ನನ್ನ ದ್ವೇಷಿಸಿದರು. ನಾ ನಿಮ್ಮನ್ನು ಯಾವುದೇ ದ್ವೇಷವಿಲ್ಲದೇ ಕೊನೆಯವರೆಗೂ ನೆನಪಿನಲ್ಲಿಟ್ಟುಕೊಳ್ಳಬಯಸುವೆ.

ಇಂತೀ ಪ್ರೀತಿಯ

ಫಿನಿಕ್ಸ್‌